Уладзімір Зяленскі: Адной з формаў расійскага тэрору з’яўляецца ўстаноўка мінных пастак

Прэзідэнт Украіны адзначыў, што з праблемай трэба будзе разбірацца цягам бліжэйшых гадоў.

.

PAP/Eugene Titov

Прэзідэнт Украіны Уладзімір Зяленскі заявіў, што адной з формаў расійскага тэрору з’яўляецца ўстаноўка мінных пастак. У апублікаваным у сацсетках вечаровым выступе палітык адзначыў, што на адну з такіх пастак міліцыянты натрапілі ў Херсонскай вобласці.

Уладзімір Зяленскі ў запісе адзначыў, што з праблемай трэба будзе разбірацца цягам бліжэйшых гадоў:

-Тэрарысты наўмысна спрабуюць пакінуць як мага больш смяротных пастак. Закапаныя міны, замінаваныя будынкі, транспартныя сродкі і інфраструктура. Гэта больш за 170 тысяч квадратных кіламетраў небяспечнай тэрыторыі. Упэўнены, што гэта будзе адным з абвінавачанняў супраць Расіі ў агрэсіі – мінны тэрор.

Уладзімір Зяленскі падкрэсліў, што расійскі «мінны тэрор» яшчэ больш жорсткі, чым ракетны, бо няма сістэмы, якая магла б яго адбіць і знішчыць хаця б частку пагрозы, як у выпадку СПА.

ав