Генштаб УСУ: Расія працягвала ракетныя ўдары па ўсходзе і поўдні Украіны

За апошнія суткі ва Украіне адбыліся 34 баявыя сутыкненні з расійскімі войскамі.

Расійскі ракетны абстрэл вёскі пад Кіевам

PAP/EPA/CATHAL MCNAUGHTON

Расія працягвала ракетныя ўдары па ўсходзе і поўдні Украіны. Камандаванне ВПС Украіны паведамляе, што ноччу ў Херсонскай і Мікалаеўскай абласцях была аб'яўлена паветраная трывога. Украінскі генштаб паведамляе, што ўчора расіяне выпусцілі па Украіне 11 крылатых ракет, здзейснілі 48 бамбаванняў і 54 абстрэлы з рэактыўнай артылерыі. Ёсць ахвяры сярод мірнага насельніцтва. Пашкоджаныя жылыя дамы і абʼекты інфраструктуры.

За апошнія суткі ва Украіне адбыліся 34 баявыя сутыкненні з расійскімі войскамі. Расіяне беспаспяхова спрабавалі прарваць украінскую абарону ў раёне Лымана і Бахмута. Яны моцна бамбілі ўкраінскія пазіцыі ў Запарожжы.

Паводле інфармацыі генштаба, украінскія вайскоўцы працягваюць наступ на Мелітопаль. Учора ўкраінскія ВПС нанеслі 10 удараў па раёнах канцэнтрацыі расійскіх войскаў. Артылерыя знішчыла склад боепрыпасаў, дзве радыёстанцыі і 4 гарматныя батарэі праціўніка.

IAR/аз