Румынія прызнала падзенне абломкаў расійскага дрона на сваёй тэрыторыі

Расія некалькі месяцаў запар наносіць удары па ўкраінскіх дунайскіх і чарнаморскіх партах, якія знаходзяцца паблізу ад румынскай мяжы. У тым ліку ўдары наносіліся і ў ноч на сераду, 6 верасня.

Ілюстрацыя

Фота: PAP/EPA/VADYM SARAKHAN

Абломкі расійскага дрона падчас удару па Украіне ўпалі на тэрыторыі Румыніі. Аб гэтым заявіў у сераду, 6 верасня міністр абароны Румыніі Ангел Цілвар. Раней румынскія ўлады адмаўлялі падзенне расійскіх беспілотнікаў на тэрыторыі краіны. У Кіеве, наадварот, сцвярджалі, што пры ўдары па ўкраінскіх партах на Дунаі ў ноч з 3 на 4 верасня была закранутая і тэрыторыя Румыніі.

Аб выяўленні абломкаў беспілотніка ў румынскім павеце Тулча першым паведаміў тэлеканал Antena 3 CNN. Пацярпелых і разбурэнняў няма. Міністр абароны пацвердзіў, што «былі знойдзены дэталі, якія могуць быць абломкамі беспілотніка». Няясна, калі менавіта абломкі маглі ўпасці на румынскую тэрыторыю, ці было гэта ў ноч на 4 верасня ці пазней.

Нагадаем, Расія некалькі месяцаў запар наносіць удары па ўкраінскіх дунайскіх і чарнаморскіх партах, якія знаходзяцца паблізу ад румынскай мяжы. У тым ліку ўдары наносіліся і ў ноч на сераду, 6 верасня.

PAP/ez