Пра гэта піша The New York Times са спасылкай на трох неназваных амерыканскіх чыноўнікаў, піша «Еўрапейская праўда». Адзін з чыноўнікаў сказаў выданню, што зброя з'яўляецца ключом да дапамогі Украіне захаваць дынаміку, якую ўкраінскія вайскоўцы нядаўна набралі падчас контрнаступлення на поўдні краіны.
Як гаворыцца ў артыкуле, заходнія афіцыйныя асобы і эксперты сыходзяцца ў меркаванні, што касетныя боепрыпасы найбольш эфектыўныя супраць войскаў і калон тэхнікі, раскіданых па адкрытай мясцовасці. Чакаецца, што попыт на боепрыпасы ва Украіне ўзрасце, паколькі некаторыя падраздзяленні ўсё больш разлічваюць на цяжкую артылерыю, каб падрыхтаваць глебу для нападаў пяхоты.
Раней паведамлялася, што ЗША могуць перадаць Украіне касетныя боепрыпасы большай далёкасці.
У ліпені Злучаныя Штаты вылучылі Украіне пакет ваеннай дапамогі на 800 мільёнаў долараў, у які ўпершыню ўвайшлі касетныя боепрыпасы.
Белы дом раней тлумачыў, што прадастаўленне касетных боепрыпасаў зʼяўляецца часовай мерай да таго часу, пакуль не будуць разгорнуты магутнасці па вытворчасці звычайных артылерыйскіх снарадаў. Акрамя таго, Украіна ўзяла на сябе абавязацельства мінімізаваць рызыку прымянення касетных боепрыпасаў.
ав/pravda.com.ua