9 верасня ўначы расійскія акупанты атакавалі Украіну 32 дронамі-камікадзэ тыпу «Shahed-136/131», з якіх 25 былі знішчаны сродкамі супрацьпаветранай абароны Украіны. Большасць ударных БПЛА расійскія акупанты накіравалі ў Кіеўскую вобласць, – паведамляе кіраўнік вайсковай адміністрацыі ўкраінскай сталіцы Сяргей Папко.
«Гэтай ноччу вораг атакаваў Кіеў беспілотнымі лятальнымі апаратамі. Дроны заходзілі на сталіцу групамі і па розных напрамках», – гаворыцца ў афіцыйным паведамленні.
Сіламі СПА ўдалося знішчыць больш за два дзясяткі расійскіх БПЛА. Абломкі ўпалі ў некалькіх раёнах Кіева, большасць з якіх – на адкрытую, незабудаваную тэрыторыю. Пашкоджаны аўтамабілі, тралейбусныя лініі электраперадачы, дарожнае пакрыццё, раненні атрымаў адзін мірны жыхар.
iar/эж