На думку міністра, рызыка далейшай радыкалізацыі «высокая».
«У апошнія тыдні мы прымаем такія паслядоўныя дзеянні супраць ісламістаў, таму што ўважліва сочым за змяненнем сітуацыі з пагрозамі», – падкрэсліў палітык. «Мы знішчаем ісламісцкія структуры і спыняем тэрарыстычную прапаганду, накіраваную на натхненне і радыкалізацыю злачынцаў», – сказала кіраўнца МУС.
Дзякуючы Федэральнаму ведамству па крымінальных справах было выдалена каля 170 каналаў або іншага кантэнту ў сетцы Telegram, «якія выкарыстоўваліся для распаўсюджвання агіднай антысеміцкай і ісламісцкай прапаганды», паведамляе Фэзер.
У сераду суд Леверкузена выдаў ордар на арышт 15-гадовага падлетка з раёна Рэйніш-Бергіш у Паўночным Рэйне-Вестфаліі (NRW) за планаванне і падрыхтоўку ісламісцкага тэракту. У сувязі з брандэнбургскай справай паліцыя таксама арыштавала маладога чалавека па падазрэнні ў падрыхтоўцы тэракту. Міністр унутраных спраў NRW Герберт Рэул распавёў пра «вельмі канкрэтны план нападу на калядны кірмаш».
Перад тым, як стала вядома пра арышты, Упраўленне па ахове канстытуцыі папярэдзіла ў сераду, што апошнім часам у кантэксце канфлікту Ізраілю з палестынскай тэрарыстычнай арганізацыяй ХАМАС павялічваецца рызыка магчымых нападаў.
PAP/вх