ЗША адмянілі запрашэнне прэм'ер-міністра Грузіі на прыём да прэзідэнта Джо Байдэна з-за антыдэмакратычных дзеянняў ураду, паведамляе «Карэспандэнт» са спасылкай на «Голас Амерыкі».
Раней грузінская дэлегацыя праігнаравала словы Байдэна аб падтрымцы Украіны.
Амерыканская адміністрацыя адмяніла запрашэнне прэм'ера Іраклія Кабахідзэ на традыцыйны прыём да прэзідэнта ЗША Джо Байдэна, які адбыўся 25 верасня ў Нью-Ёрку. Гэтае рашэнне было прынятае пасля шэрагу антыдэмакратычных крокаў грузінскага ўраду, сярод якіх, у прыватнасці, прыняцце закона аб «замежных агентах». Паводле інфармацыі СМІ, адміністрацыя Байдэна таксама адмовілася ад усіх сустрэч з грузінскай дэлегацыяй, у тым ліку з прэм'ерам Кабахідзэ.
Грузінская дэлегацыя звярнула на сябе ўвагу тым, што падчас выступу прэзідэнта Байдэна на Генасамблеі ААН не далучылася да апладысментаў пасля яго слоў аб падтрымцы Украіны.
Відэафрагмент гэтай рэакцыі апублікавалі грузінскія СМІ, дзе бачна, што большасць прысутных у зале сустрэлі заяву Байдэна аб падтрымцы Украіны апладысментамі, у той час як дэлегацыя Грузіі прадэманстравала абыякавасць.
Гэтыя падзеі акцэнтуюць рост напружання паміж Вашынгтонам і Тбілісі, якое звязанае з аддаленнем Грузіі ад курсу еўраатлантычнай інтэграцыі і падтрымкай дэмакратычных стандартаў.
вс
