Прэзідэнт Украіны Уладзімір Зяленскі, выступаючы на Мюнхенскай канферэнцыі па бяспецы шмат гаварыў пра Беларусь, нагадаўшы, сярод іншага, што там размешчана расійская ядзерная зброя і адтуль здзяйсняецца гібрыдная атака на межы ЕС, у тым ліку, на Польшчу.
«Мы павінны ўсвядоміць, што Беларусь стала расійскай правінцыяй. І задаць пытанне, што нам з гэтым рабіць, што мы можам зрабіць да наступнага магчымага нападу, да уварвання», — заклікаў украінскі лідар:
— А калі ў наступны раз гэта не мігранты? Што, калі гэта расійскія або паўночнакарэйскія вайскоўцы? Паўночнакарэйскія вайскоўцы не слабыя, яны вучацца весці сучасную вайну. Што з вашымі войскамі, ці гатовыя яны да гэтага? Што, калі Расія пачне аперацыю пад фальшывым сцягам або без апазнавальных знакаў, як у выпадку нападу з Беларусі або акупацыі Крыма ў 2014 годзе? Як хутка адрэагуюць саюзнікі?
Уладзімір Зяленскі, выступаючы на асноўнай сесіі Мюнхэнскай канферэнцыі, таксама прапанаваў стварыць геапалітычную мяжу паміж міжнародным правам і вайной, якая павінна прайсці па ўсходніх межах Украіны, Беларусі, краінаў Балтыі і Фінляндыі.
iar/эж