Некалькі дзясяткаў чалавек загінулі ў горадзе Кочані ў Паўночнай Македоніі ў выніку пажару, які ўзнік на дыскатэцы ў ноч з суботы на нядзелю.
Колькасць ахвяр на дадзены момант дакладна невядомая, але гаворка можа ісці аб 20-50 загінулых, паведамляюць мясцовыя СМІ. Яшчэ каля 70 чалавек атрымалі апёкі рознай ступені цяжкасці.
Пажар здарыўся каля трох гадзін ночы ў дыскаклубе «Пульс» у горадзе Кочані, які знаходзіцца ў паўночна-ўсходняй частцы краіны ў 65 км ад мяжы з Балгарыяй.
Не выключаецца, што прычынай узгарання стала некарэктнае выкарыстанне піратэхнікі падчас канцэрту аднаго з поп-гуртоў.
вс