Беларуская Служба

Падчас перамоў у Эр-Рыядзе бакі дамовіліся аб забароне ўдараў па энергетычнай інфраструктуры

25.03.2025 19:03
Паведамляецца, што бакі прадоўжаць працу над дасягненнем устойлівага і трывалага міру.
 - -
Начны Эр-Рыяд - сталіца Саудаўскай Аравіі apriltan18/pixabay.com/free commercial use

Падчас двухбаковых тэхнічных кансультацый паміж прадстаўнікамі Украіны і ЗША ў Рыядзе была дасягнутая дамоўленасць «рэалізаваць пагадненні прэзідэнтаў па поўнай забароне атакаў на энергетычную інфраструктуру Украіны і Расіі». Пра гэта ў сваім акаўнце ў «Фэйсбуку» паведаміў адзін з перамоўшчыкаў з украінскага боку, міністр абароны Украіны Рустэм Умераў.

«Усе бакі дамовіліся ўкараніць дамоўленасці прэзідэнтаў аб поўнай забароне ўдараў па энергетычнай інфраструктуры Украіны і Расіі», - напісаў палітык.

Умераў адзначыў, што «ўсе бакі вітаюць прыцягненне трэціх краін з мэтай забяспечыць падтрымку ўкаранення энергетычнай і марской дамоўленасцей».

Таксама паведамляецца, што бакі прадоўжаць працу над дасягненнем устойлівага і трывалага міру.

Дэлегацыя ЗША па выніках перамоваў з прадстаўнікамі Украіны і Расіі ў Саудаўскай Аравіі 24 сакавіка аб'явіла таксама аб дамоўленасці з Расіяй працаваць над перамір'ем у Чорным моры і забаронай удараў па энергетычнай інфраструктуры.

вс