Нямецкая пракуратура выставіла былому афіцэру СС абвінавачванне ў падбухторванні і абразе памяці ахвяраў нацыстаў. Гэта ў сувязі выказваннем мужчыны ў адным з тэлеканалаў.
У звароце пракуратуры прозвішча абвінавачанага не названае, але, верагодна, гаворка ідзе пра Карла Мюнтэра, асуджанага раней у Францыі за ўдзел у забойстве 86 чалавек у вёсцы Аск падчас Другой сусветнай вайны.
У інтэрв'ю нямецкаму тэлебачанню ARD у лістападзе мінулага года, абвінавачаны заявіў, што людзі, якія тады загінулі, самi вінаватыя. Ён таксама ставіў пад сумнеў факт, што ў выніку Галакосту загінулі 6 мільёнаў яўрэяў.
Мужчыну пагражае да 5 гадоў пазбаўлення волі.
У красавіку 1944 года Карал Мюнтэр удзельнічаў у разні жыхароў вёскі Аск, што на поўначы Францыі. Немцы расстралялі тады 86 чалавек. Наймалодшай ахвяры было 15 гадоў. За ўдзел у гэтым злачынстве вайсковы суд у Францыі прысудзіў яго да найвышэйшай меры пакарання. Аднак у 1955 годзе яго памілавалі.
аз