Прэзідэнт Літвы Гітанас Наўседа і прэмʼер-міністры Латвіі і Эстоніі Крышаніс Карыньш і Кая Калас абмяркоўваюць з канцлерам Германіі Олафам Шольцам пытанні бяспекі і вайсковыя аперацыі Расіі ля межаў Украіны і Беларусі, а таксама пытанні ўмацавання стрымлівання і абараназдольнасці на ўсходнім флангу альянсу.
На гэтым тыдні Берлін абвясціў, што ўзмоцніць шматнацыянальны батальён НАТА ў Літве і накіруе туды каля 350 дадатковых вайскоўцаў.
«Самае галоўнае, што цяпер робіць Германія, – гэта адэкватны і дзейсны адказ на сітуацыю, якая хутка змяняецца», – заявіў учора Гітанас Наўседа.
Паводле літоўскага лідара, размяшчэнне ў Літве міжнароднага батальёна пяць гадоў таму зʼяўляецца самай сур’ёзнай гарантыяй бяспекі ў гісторыі краіны.
Учора Нідэрланды абвясцілі аб павелічэнні колькасці сваіх жаўнераў у Літве з 270 да 350. Літва таксама заявіла, што імкнецца да пастаяннай прысутнасці амерыканскіх жаўнераў на сваёй тэрыторыі.
IAR /аз
