Прэзідэнт Украіны паведаміў, што ўчора з Марыупаля былі эвакуяваныя тры тысячы чалавек. У сваю чаргу праз усе гуманітарныя калідоры, якія дзейнічаюць у трох абласцях – амаль 6 300 чалавек.
Уладзімір Зяленскі заявіў, што Еўропа не можа рэагаваць маўчаннем на гуманітарную катастрофу ў Марыупалі, а ўвесь свет павінен даведацца, што адбываецца ў абложаным і разбураным горадзе:
- Мы таксама абмяркоўваем эвакуацыю параненых вайскоўцаў і мірных жыхароў з горада, а таксама вываз целаў загінулых. Абмяркоўваем гэта з Турцыяй, якая з'яўляецца пасярэднікам. Я спадзяюся, што ў бліжэйшы час змагу паведаміць падрабязнасці.
Украінскі лідар паведаміў, што ўчора размаўляў з прэзідэнтам Францыі Эмануэлем Макронам аб гуманітарнай сітуацыі ва ўкраінскіх гарадах, якія знаходзяцца пад расійскім абстрэлам.
IAR /аз