Прэзідэнт Украіны: Чым больш жорсткія санкцыі, тым хутчэй скончыцца вайна

Любы расійскі план, які дазваляе абыходзіць санкцыі, зацягваць гэтую вайну – павялічвае магчымасці агрэсара, кажа Уладзімір Зяленскі.

Прэзідэнт Уладзімір Зяленскі

Facebook/zelenskiy.official

Чым больш жорсткімі будуць санкцыі супраць Расіі, тым хутчэй скончыцца агрэсія Масквы ва Украіне, заявіў прэзідэнт Уладзімір Зяленскі. Ён нагадаў, што ўступілі ў сілу санкцыі супраць расійскай ваеннай прамысловасці. Нагадваем, у санкцыйныя спісы трапілі 322 кампаніі.

Астатнія два пакеты абмежаванняў накіраваныя супраць фізічных і юрыдычных асобаў, якія дапамагаюць абыходзіць санкцыі супраць Расі.

«Пакеты санкцый дэталёва распрацаваныя з пункту гледжання сінхранізацыі з санкцыямі, уведзенымі ў дачыненні да Масквы нашымі партнёрамі», - дадаў Уладзімір Зяленскі:

- Гэта адна з ключавых, агульных задач для ўсіх нас – для ўсіх, хто імкнецца да хутчэйшага заканчэння вайны, да хутчэйшай нашай перамогі. Задача – выключыць усе магчымасці для Расіі абысці санкцыі. Любы расійскі план, які дазваляе абыходзіць санкцыі, зацягваць гэтую вайну – павялічвае магчымасці агрэсара.

Украінскі лідар падкрэсліў значэнне распачацця глабальнай працы па абмежаванні расійскай атамнай прамысловасці. «Для Крамля любая энергетыка – гэта зброя. Ядзерная энергетыка для іх – таксама зброя», - падкрэсліў Уладзімір Зяленскі.

IAR/аз