Агенцтва AFP падкрэслівае, што 2023 год, верагодна, будзе лічыцца самым цёплым у іншых частках свету. Гэта таксама нагадвае пра засухі, якія ахопліваюць Афрыку, і лясныя пажары, якія ахопліваюць Еўропу і Паўночную Амерыку.
Даследчыкі мяркуюць, што экстрэмальныя метэаралагічныя з'явы становяцца ўсё больш частымі і больш сурʼёзнымі з-за змены клімату.
Сярэдняя тэмпература ў 2023 годзе ў Кітаі склала 10,7 градуса па Цэльсію.
У ліпені ў Пекіне быў пабіты рэкорд па працягласці перыяду гарачага надворʼя, які трымаўся 23 гады, калі ртутны слупок 27 дзён запар падымаўся вышэй за 35 градусаў па Цэльсію. Разам з тым у жніўні ў сталіцы Кітая былі зафіксаваныя рэкордныя ападкі, што прывяло да гібелі некалькіх чалавек.
Зіма таксама пабіла рэкорды. У Пекіне і некаторых іншых гарадах снежань быў самым халодным з пачатку ўліку ў 1951 годзе. Тэмпература ў сталіцы часта апускалася ніжэй за мінус 10 градусаў.
PAP/вх