Сёння Пуцін сустракаецца з паўночнакарэйскім дыктатарам Кім Чэн Ынам.
На думку некаторых каментатараў, Расія мае патрэбу ў зброі і боепрыпасах ад паўночнакарэйскага рэжыму, у асноўным у ракетах і артылерыйскіх снарадах.
Паўночная Карэя, як і Іран, адкрыта падтрымлівае расійскае ўварванне ва Украіну і пастаўляе зброю арміі агрэсара.
Масква і Пхеньян маюць намер падпісаць дакумент аб стратэгічным супрацоўніцтве, які, як выказаўся Пуцін, «стане асновай добрых адносін на доўгія гады». Дарадца крамлёўскай адміністрацыі Юрый Ушакоў заявіў, што дакумент падрыхтаваны зыходзячы з эвалюцыі расійска-паўночнакарэйскіх адносінаў і ўлічвае змяненне геапалітычнай сітуацыі.
Ад пачатку расійскай агрэсіі супраць Украіны палітолагі папярэджваюць, што Расія стварае новую «вось зла», шукаючы саюзнікаў у краінах, дзе кіруюць таталітарныя рэжымы.
яс/IAR