48 працэнтаў супрацоўнікаў таксі, якія працуюць праз прыкладанні, — гэта замежнікі, 49 працэнтаў працуюць у гэтай галіне менш за год. Яны цэняць гнуткасць працы, выкарыстоўваючы чатыры-пяць платформаў адначасова. Rzeczpospolita публікуе даследаванне пра г.зв. gig-worker’аў у Польшчы.
Аказваецца, што 52 працэнты — гэта палякі, але ўражвае група замежнікаў — выяўлены прадстаўнікі амаль 70 краін. Тут пераважаюць мужчыны і людзі з сярэдняй адукацыяй.
Паводле даследаванняў, праведзеных у супрацоўніцтве з доктарам Дамінікай Палькоўскай (dr hab. Dominika Polkowska) з Люблінскага ўніверсітэту Марыі Кюры-Складоўскай, 53% маюць сярэднюю адукацыю, а вышэйшую – 40 працэнтаў. Асобы з базавай адукацыяй складаюць 7%. Большасць — мужчыны (92%) і людзі ва ўзросце 25–40 гадоў (54%).
48 працэнтаў супрацоўнікаў таксі, якія працуюць праз прыкладанні, — гэта замежнікі.
У гэтым сектары работнікаў, акрамя палякаў, найбольш украінцаў (30%) і беларусаў (8%). Таксама шмат выхадцаў з Грузіі, Узбекістана і Індыі (разам 3 працэнты), а таксама з Турцыі, Азербайджана, Туркменістана, Зімбабвэ і Пакістана.
Зараз у Польшчы праз дадатак працуюць дзясяткі тысяч чалавек, напрыклад, 50 тысяч чалавек працуе з такімі платформамі як Uber, Bolt, Glovo або FreeNow.
Большасць людзей разглядаюць гэтую працу як часовую, што пацвярджаецца тым фактам, што ў 49% выпадкаў работнікі працуюць у прафесіі менш за год. І што цікава, яны не зацікаўленыя ў штатных пасадах.
ЕС плануе рэгуляваць гэтую прафесію. Рыхтуюць увесці кантракты і страхавыя ўнёскі. Паводле апытання Rzeczpospolita, у такім выпадку многія пакінуць працу дастаўшчыка ежы, кур'ера ці кіроўцы таксі.
яс