300 г молатых грэцкіх арэхаў (можна здрабніць у кухонным камбайне або кавамолцы)
1,5 шклянкі цукровай пудры
8 буйных яек
2 сталовыя лыжкі крухмалу
1 маленькая лыжка разрыхляльніка
па жаданні: арэхавы лікёр, «Амарэта» або спірт ці завараныя кава/чай для замочвання (у нашым выпадку «Амарэта»).
Аддзяліце бялкі ад жаўткоў. У вялікай місцы ўзбіце жаўткі з цукровай пудрай да пышнасці – яны павялічаць свой аб'ём удвая або нават утрая. Пасля дадайце бульбяны крухмал і разрыхляльнік. Змяшайце. Зніжаем хуткасць міксера і дадаем молатыя арэхі. У другой місцы ўзбіце бялкі з дробкай солі (відэльцы міксера трэба папярэдне памыць – інакш бялкі нельга будзе ўзбіць да адпаведнай кансістэнцыі). Калі міску перавярнуць – бялкі не павінны выцякаць. Пакладзіце палову бялкоў у арэхавую масу і акуратна змяшайце яе лыжкай або лапаткай. Дадайце рэшту бялкоў і зноў акуратна змяшайце.
Форму дыяметрам 23-24 см засцяліце пергаментам. Выліце масу і пастаўце ў духоўку, разагрэтую да 170°C (або 160°C з канвекцыяй) – выпякаць каля 60 хвілін. Пакіньце на 10 хвілін у выключанай духоўцы, а затым астудзіце пірог з прыадчыненымі дзверцамі. Бісквіт заўсёды мякка падае – гэта нармальна, бо няма мукі, не трэба турбавацца. Перш чым разрэзаць бісквіт, ён павінен цалкам астыць.
Крэм
250 г сыру тыпу «Маскарпонэ»
250 г тлустых вяршкоў 30% або 36%
поўная лыжка растваральнай кавы
3 сталовыя лыжкі цукровай пудры
Важна, каб вяршкі былі ахалоджаныя. Можна таксама змясціць вяршкі на 20 хвілін у маразілку. Узбіць вяршкі да густой масы і перамяшаць з «Маскарпонэ» і кавай (каву распусціць у невялікай колькасці вады і абавязкова астудзіць.
Смачна есці!
Падрабязней пра тое, як зрабіць страву, раскажуць Кацярына Адамская і Валеры Саўко.
слухайце аўдыёфайл