Узброеныя сілы Украіны працягваюць наступ у кірунку Мелітопаля, прымушаючы расійскіх захопнікаў адысці са сваіх пазіцый, – паведамляе прэс-сакратар Генштаба Узброеных сіл Украіны Аляксандр Штупун. Расійскія акупанты абараняюцца шляхам перагрупоўкі паветрана-дэсантных частак у гэтым раёне, каб вярнуць страчаныя тэрыторыі.
Цягам 24 гадзін украінскія абаронцы адбілі 10 расійскіх контратак у раёне вёскі Рабоціна Запарожскай вобласці:
-Агульныя страты расіян на таўрыйскім кірунку за апошнія суткі склалі 321 загінулых, 7 расіянаў здаліся ў палон. Акрамя таго, знішчана 40 адзінак ваеннай тэхнікі, у тым ліку танк, бронетранспарцёр, падраздзяленне супрацьпаветранай абароны і радыёлакацыйная сістэма «Заапарк» коштам 20 мільёнаў долараў.
Паводле Генштаба УСУ, украінскія войскі вядуць наступальныя дзеянні ў раёнах Аўдзееўкі, Мар'інкі і Шахцёрска. Пад Херсонам украінскія войскі ўтрымліваюць пазіцыі на левым беразе Дняпра.
iar/эж