Сёння Нацыянальны дзень памяці ахвяр генацыду, здзейсненага ўкраінскімі нацыяналістамі ў дачыненні да польскіх грамадзян Другой Рэчы Паспалітай. Гэты дзень адзначаецца ў гадавіну так званай Крывавай нядзелі – апагей Валынскай трагедыі.
З нагоды гадавіны спікер польскага Сенату Станіслаў Карчэўскі адзначыў, што Польшча з'яўляецца паслом Украіны ў яе памкненнях у ЕЗ і НАТА, але абедзве краіны не павінны забываць аб цяжкіх старонках гісторыі.
«Мы ніколі не дазволім, каб Украіна ўвайшла ў ЕЗ пад сцягам Бандэры. Для нас гэта прынцыповае пытанне, якое мы будзем рашуча адстойваць. Гістарычная праўда зʼяўляецца для нас асновай. У той жа час мы хочам быць у добрых стасунках», – сказаў спікер Сенату Польшчы.
Дзень 11 ліпеня 1943 года ўвайшоў у гісторыю як апагей Валынскай трагедыі – масавага знішчэння польскага цывільнага насельніцтва на Валыні. У гэты дзень, на думку польскіх гісторыкаў, байцы УПА пры падтрымцы мясцовага насельніцтва здзейснілі напад на парадку 100 мясцовасцяў на Валыні і Усходняй Галіцыі, адказнасць за якія польскі бок ускладае на кіраўніцтва АУН-Б і камандаванне УПА.
Паводле ацэнак польскіх гісторыкаў, падчас Другой сусветнай вайны ўкраінскія нацыяналісты вынішчылі на Валыні і ва Усходняй Галіцыі ад 60 да 100 тыс. палякаў. У дзеяннях у адказ, па розных ацэнках, маглі загінуць ад 10 да 12 тыс. украінцаў.
ав
