Восем катэгорый, восем шанцаў на перамогу – набліжаецца фінал дзевятнаццатага Нацыянальнага конкурсу рэпарцёрскай прэміі Польскага радыё «Мельхіоры». Журы вылучыла больш за 20 рэпартажаў. Пераможцы будуць абвешчаныя ў чацвер падчас урачыстасці ў Музычнай студыі Польскага радыё імя Агнешкі Асецкай у Варшаве. Гаворыць кіраўнік Студыі рэпартажаў Польскага радыё і журы конкурсу Барташ Панэк:
- Лічбы – неверагодныя. Сёлетнія «Мельхіоры» сапраўды здзівілі нас, то бок усё асяроддзе журналістаў-рэпартажыстаў. Былі заяўленыя 175 прац. З гэтых прац мы абралі 24 неверагодныя аўдыёдакументы: аўдыёрэпартажы, прэсавыя, тэлевізійныя, падкасты. Мы намінавалі чатыры асобы, якія адказваюць за акустычную рэалізацыю, а таксама тры чалавекі, якія атрымалі намінацыі ў катэгорыі «Творца году».
Сярод намінаваных ёсць і журналістка Польскага радыё: рэпартажыстка, рэдактар Трэцяй праграмы Польскага радыё Ганна Дудзіньска.
Пераможцы ў кожнай катэгорыі атрымаюць грашовую прэмію і статуэтку «Мельхіор». Прызавы фонд складае больш за 100 тысяч злотых.
ав