Нулявы падатак на прыбытак з фізічных асоб (PIT), будзе датычыць выключна тых працуючых пенсіянераў, якіх гадавы прыбытак не перавышае 120 тысяч злотых (26 тысяч 490 еўра). Пра гэта ў Першай праграме грамадскага Польскага радыё паведаміў міністр фінансаў Тадэвуш Касцінскі (Tadeusz Kościński).
Нагадваем, новая сацыяльна-эканамічная праграма ўрадавай кааліцыі правых сілаў прадугледжвае, між іншым, што людзі пенсійнага ўзросту, якія вырашылі працягваць працу і не атрымліваюць пенсію па ўзросце, не будуць прымушаны плаціць падатaк на прыбытак з фізічных асоб:
- Пасля дасягнення пенсійнага ўзросту яны змогуць выбіраць: атрымліваць пенсію па ўзросце, не працаваць і плаціць падаткі ў звычайным рэжыме, альбо адмовіцца ад пенсіі, працаваць і не плаціць падатку на прыбытак з фізічных асоб, калі іх гадавы даход не перавышае 120 тысяч злотых.
Нагадваем, кіроўная кааліцыя паведаміла, што паводле праграмы „Польскі парадак”, пенсіі не будуць абкладацца падаткам.
аз