Туруў: чэхі паднімаюць стаўку. Польшча будзе плаціць 5 мільёнаў еўра ў дзень?

21 траўня Суд ЕЗ, пагадзіўшыся з довадамі чэшскага боку, загадаў Польшчы прыпыніць здабычу бурага вугалю на шахце Туруў.

Praga. Protest Greenpeace'u przeciwko kopalni Turów

PAP/EPA/MARTIN DIVISEK

Чэхі абвясцілі аб падачы скаргі за невыкананне Польшчай пастановы аб спыненні здабычы на шахце Туруў. Яны будуць патрабаваць штраф у памеры 5 мільёнаў еўра ў дзень.

Як паведамляе партал energetyka.24, чэшскі ўрад мае намер патрабаваць перад судом Еўрапейскага Звязу пакарання для Польшчы за невыкананне Палажэння аб прыпыненні здабычы на шахце Туруў. Прага павінна прапанаваць стаўку ў памеры 5 мільёнаў еўра ў дзень за кожны дзень затрымкі ў рэалізацыі пастановы суда.

21 траўня Суд ЕЗ, пагадзіўшыся з довадамі чэшскага боку, загадаў Польшчы прыпыніць здабычу бурага вугалю на шахце Туруў. Гэта рашэнне не было выканана. Урад у Варшаве сцвярджае, што прыпыненне працы завода будзе азначаць неабходнасць адключэння электрастанцыі, якая з'яўляецца важнай кропкай на энергетычнай мапе краіны.

З тых часоў польскі ўрад пачаў дыялог з чэшскім бокам, вынікам якога, паводле заявы прэмʼер – міністра, павінна было стаць адкліканне скаргі Прагай. Але гэтага не адбылося. Цяпер чэхі абвяшчаюць аб падвышэнні стаўкі ў гэтым канфлікце – акрамя падачы скаргі на невыкананне пастановы суда, яны таксама абвясцілі, што пагадненне з Польшчай павінна тычыцца не толькі інвестыцый на суму ад 40 да 50 мільёнаў еўраў, але і канкрэтнай інфармацыі. Варшава павінна будзе падаць звесткі аб геалагічнай сітуацыі і інфармацыю аб бягучым маніторынгу навакольнага асяроддзя.

Урад Чэхіі абвясціў, што дакладны змест пагаднення з Польшча аб далейшых лёсе шахты ў Туруве будзе паведамлены «ў бліжэйшыя тыдні», пісалі партал energetyka.24.

эж