З пагрозай выступіў міністр энергетыкі Катара Саад аль-Каабі, які папярэдзіў, што калі краіны ЕС накладуць штрафы на катарскія кампаніі ў адпаведнасці з новым законам аб належнай абачлівасці (due diligence - працэдура складання аб'ектыўнага ўяўлення аб аб'екце інвеставання), яны «спыняць пастаўкі газу ў Еўропу», — чытаем на польскім партале energetyka24.com.
Гаворка ідзе пра правілы, якія тычацца клопату аб правах чалавека, працоўных правах і прымус да прыняцця стратэгіі кліматычнай нейтральнасці да 2050 года. На іх аснове з 2027 года краіны ЕС змогуць накладаць штрафы на кампаніі з трэціх краін. Катар асцерагаецца, што магчымыя штрафы для яго кампаній могуць дасягнуць 5% сусветных даходаў. «Гэта грошы нашых грамадзян. Я не блефую», — заявіў міністр Саад аль-Каабі, якога цытаваў польскі партал.
Аднак палітык дадаў, што ёсць «прастора для кампрамісу», калі штрафы будуць абмежаваныя даходамі, атрыманымі ў Еўрапейскім саюзе.
эж