Падрыхтоўка плана развіцця веласіпеднай палітыкі для ўсёй краіны - галоўная задача ўпаўнаважанага па роварнаму руху, якога прызначыў міністр інфраструктуры.
Гэтую пасаду заняў Пётр Каліш, які дагэтуль быў адказны па пытаннях веласіпеднай палітыкі маршалка Сілезскага ваяводства.
Упаўнаважаны, у тым ліку, займаецца папулярызацыяй язды на ровары, падрыхтоўкай прававых рашэнняў для павышэння бяспекі веласіпедыстаў і бяспечнага аб'яднання розных удзельнікаў дарожнага руху - пешаходаў, вадзіцеляў і веласіпедыстаў.
Як сказаў міністр развіцця Дарыюш Клімчак, перад паўнамоцным прадстаўніком стаіць шмат задачаў.
- Галоўнай мэтай з'яўляецца падрыхтоўка інтэграванай стратэгіі роварнага руху. Нам важна таксама наладжванне і замацаванне добрага супрацоўніцтва з чыгункай, дарожным рухам, арганізацыямі кіроўцаў і арганізацыямі веласіпедыстаў.
Пётр Каліш распавёў пра найбольш актуальныя праблемы, якія ён хацеў бы вырашыць на пасадзе ўпаўнаважана ўраду па роварным руху.
- Наспелым пытаннем з'яўляецца падрыхтоўка прававога забеспячэння больш хуткага развіцця інфраструктуры роварнага руху. У нас ёсць немалыя сродкі ад Еўрасаюза і каб іх выкарыстаць у нас павінны быць распрацаваныя правілы развіцця роварнай інфраструктуры. Нам неабходна наладзіць блізкае супрацоўніцтва з Еўрасаюзам, а дакладна з Еўрапейскай арганізацыяй раварыстаў, якая стварае веласіпедную палітыку на еўрапейскай арэне.
Паводле дадзеных Міністэрства інфраструктуры, 65 працэнтаў палякаў заяўляюць, што яны рэгулярна ездзяць на ровары.
яс/IAR