У выніку нападу Расіі на Украіну загінула 191 дзіця, 349 атрымалі раненні, паведаміла ўкраінская Генпракуратура. Дадзеныя не ў поўнай меры ўлічваюць акупаваныя тэрыторыі і раёны, дзе ідуць баі.
Найбольшая колькасць смерцяў сярод дзяцей зафіксавана ў наступных абласцях: Данецкай – 113, Кіеўскай – 102, Харкаўскай – 79, Чарнігаўскай – 54, Мікалаеўскай – 40, Херсонскай – 38, Луганскай – 36 і Запарожскай – 23. Толькі ў самім Кіеве загінулі 16 дзяцей.
Паводле звестак украінскай пракуратуры, у выніку бамбардзіровак і артылерыйскага абстрэлу з боку Расіі пацярпелі 957 навучальных устаноў, 88 з якіх цалкам знішчаныя. Згодна з апошнімі дадзенымі Вярхоўнага камісара ААН па правах чалавека з 24 лютага, калі Расія пачала ўварванне, ва Украіне загінулі 1 892 мірныя жыхары і больш за 2 500 атрымалі раненні.
IAR /аз