Пра гэта журналістам у Палаце прадстаўнікоў паведаміў міністр абароны рэспублікі Андрэй Раўкоў, піша Tut.by.
«Дамова, якая была падпісаная ў 2017-м годзе, уступіла ў сілу, пачалося яе фінансаванне. І пастаўкі першых чатырох самалётаў Су-30см чакаюцца ў лістападзе гэтага года», – расказаў міністр абароны.
Дамова на пастаўкі самалётаў была падпісаная ў 2017 годзе, але яе рэалізацыя зацягнулася ў звязку з санкцыямі Захаду ў дачыненні да Расіі. Дамова прадугледжвае, што да канца 2020 года Беларусь павінна атрымаць ад Расіі 12 знішчальнікаў.
У жніўні 2019 года расейскі вытворца – Іркуцкі авіязавод паказаў 2 першыя знішчальнікі 4+ пакалення Су-30СМ вырабленыя для Паветраных сілаў Беларусі.
юл