Сустрэча праходзіць у Варшаве. Можна глядзець анлайн.
Ганна Краўчанка з фракцыі Каардынацыйнай рады «Моладзевы наступ», прыгадала, што ў Беларусі сёння 1674 палітвязняў. 1200 палітвязняў ужо адбылі свае прысуды. Некаторых пасадзілі паўторна.
- Каб забяспечыць гэтых палітвязняў мінімальнымі перадачамі патрэбна 9 млн еўра, для тых хто сядзіць цяпер. Гаворка ідзе толькі аб перадачах, не ўлічваецца юрыдычная дапамога, ні падтрымка сем'ям, якія страцілі карміцеляў, таму што ў асноўным гэта мужчыны.
Ганна Краўчанка адзначае, што гэта вялізарная сума, але яе збяруць сваякі палітвазняў, не чакаючы на палітычныя рашэнні, бо іншага выйсця ў іх няма.
Па інфармацыі Краўчанкі, 34 палітвязні выйшлі раней, чым закончыўся тэрмін, і яны гэта зрабілі без дэмакратычных сіл.
Другі дзень слуханняў прысвечаны дэбатам і фармаванню працоўнай версіі рэзалюцыі КР па выніках мерапрыемства.
яс
