Палітзняволеную Аксану Ляпко асудзілі на тры гады калоніі

50-гадовую жанчыну затрымалі 23 студзеня 2024 года ў межах так званага «Рэйду па салідарнасці».

Ілюстрацыя

фота: ilikeyellow/shutterstock

У Гродзенскім абласным судзе 20 верасня скончыўся судовы працэс над палітзняволенай Аксанай Ляпко паводле ч. 2 і ч. 1 арт. 361-4 (садзейнічанне экстрэмісцкай дзейнасці), паведамляе «Вясна».

 Суддзя Валерый Раманоўскі асудзіў пяцідзесяцігадовую жанчыну на тры гады пазбаўлення волі ў калоніі ва ўмовах агульнага рэжыму.

Пракурор Дзяніс Корда запытваў для жанчыны 3 гады і 6 месяцаў калоніі.

Як вядома, Аксану Ляпко затрымалі 23 студзеня 2024 года ў межах так званага «Рэйду па салідарнасці» (рэйду па сваяках і блізкіх палітвязняў і атрымальнікаў дапамогі ад IneedHelp).

аз