ЦВК: у тэрытарыяльныя камісіі вылучылі 1 725 прадстаўнікоў

Паводле міжнародных арганізацый, выбары ў Беларусі адбываюцца ва ўмовах палітычнага крызісу, шырокамаштабных рэпрэсій.

Выбары

ulleo/pixabay.com/CC0 Public Domain

У Беларусі будзе сфармавана 153 тэрытарыяльныя камісіі: 6 абласных і Мінская гарадская, 118 раённых, 4 гарадскія — у гарадах абласнога падпарадкавання, 24 раённыя ў гарадах, паведамляе «Свабода» са спасылкай на Цэнтравыбаркам.

Выбары ў Беларусі адбываюцца ва ўмовах палітычнага крызісу, шырокамаштабных рэпрэсій і, паводле міжнародных арганізацый, носяць несвабодны і недэмакратычны характар. У Беларусі не засталося афіцыйна зарэгістраваных апазіцыйных партыяў і незалежных грамадскіх арганізацый.

Аднак ЦВК паведамляе, што больш за ўсё вылучылі сваіх прадстаўнікоў якраз палітычныя партыі і іншыя грамадскія аб’яднанні — 1 179 чалавек. Ад грамадзян шляхам падачы заяваў — 443, ад працоўных калектываў — 103. Усяго ў камісіі вылучана 1725 прадстаўнікоў.

У Беларусі засталіся чатыры праўладныя партыі, менавіта яны і вылучылі сваіх прадстаўнікоў: «Белая Русь», камуністычна, лібэральна-дэмакратычная і партыя працы і справядлівасці.

Сярод грамадскіх аб'яднанняў — «Белая Русь», саюз моладзі, саюз жанчын, аб'яднанне ветэранаў, афіцыйныя прафсаюзы.

аз