У Вільні 14 лютага абвясцілі імя чарговага лаўрэата прэміі імя Міхася Стральцова. Ім стаў паэт Кастусь Цвірка. Прэмію ён атрымаў за свой зборнік вершаў «Чатыры вятры», — паведамляе svaboda.org.
Кастусю Цвірку 91 год, ён жыве ў Мінску. На ўручэнне прэміі ён прыехаць не змог. Цвірка вядомы не толькі як паэт, празаік і перакладчык. Як выдавец ён заснаваў серыю «Беларускі кнігазбор», у якой выйшла 111 тамоў. Цяпер выданне серыі спынена.
Летась лаўрэатам прэміі Міхася Стральцова стаў паэт Усевалад Сцебурака, які жыве ў Беларусі. Ён таксама не прыязджаў на ўручэнне прэміі.
эж