Адпаведны дакумент у сваім тэлеграм-канале апублікаваў украінскі нардэп Аляксей Ганчарэнка.
У дакуменце зазначаецца, што 25 сакавіка беларусы па ўсім свеце адзначаюць Дзень Волі — свята абвяшчэння Беларускай Народнай Рэспублікі, першай нацыянальнай дзяржавы беларусаў, якая зацвердзіла дзяржаўнымі сімваламі бел-чырвона-белы сцяг, герб «Пагоня» і беларускую мову.
«Сёння за бел-чырвона-белы сцяг на вуліцах Беларусі адпраўляюць у турму, а беларуская мова знаходзіцца на мяжы знікнення. Дзесяткі гадоў «апошні дыктатар Еўропы» сцірае беларускую культуру і мову і ператварае Беларусь у дэ-факта акупаваную Расіяй тэрыторыю, тысячы беларусаў гадамі знаходзяцца ў незаконным зняволенні, а мільёны людзей вымушаны шукаць прыстанішча ў іншых краінах».
.
Міжфракцыйнае аб'яднанне дэпутатаў «За дэмакратычную Беларусь» заклікае ўрад Украіны:
- Разарваць дыпламатычныя адносіны з рэжымам Лукашэнкі;
- прызнаць Беларусь акупаванай тэрыторыяй;
- перадаць памяшканне беларускага пасольства дэмакратычным сілам Беларусі.
Украінскія дэпутаты таксама заклікаюць міжнародную супольнасць і ўрады краін-партнёраў да поўнай палітычнай і эканамічнай ізаляцыі афіцыйнага Мінска і ўзмацнення санкцыйнага ціску на Лукашэнку.
Заканчваецца дакумент словамі: «Жыве Беларусь! Слава Україні!».
zerkalo.io/вх