Заканчваецца працэдура выбару падрадчыка для рэстаўрацыі інтэр'ерa каталіцкага касцёла Божага Цела ў Нясвіжы, даведалaся старонка katolik.life.
Пабудаваны ў 1593 годзе касцёл у Нясвіжы - адзіны рэлігійны аб'ект Беларусі, які знаходзіцца ў спісе Сусветнай спадчыны ЮНЕСКА. Храм вядомы, як другі ў свеце і першы ва Усходняй Еўропе касцёл у стылі ранняга барока.
Да гэтага на працягу 13 гадоў праводзілася рэстаўрацыя фасадаў храма, якая завяршылася ў 2023 годзе. У красавіку 2025 года пачнуцца падрыхтоўчыя работы па рэстаўрацыі інтэр'ерa.
У апошні раз храм рэканструявалі ў пачатку-сярэдзіне XVIII стагоддзя - унутры і звонку ён быў нанaва атынкаваны і багата распісаны; з'явіліся новыя алтары. З тых часоў інтэр'ер атрымаў мноства пашкоджанняў.
Будаўнічым праектам прадугледжаны, між іншым, рэстаўрацыя жывапісу малельнай залы, бабінца, прэсбітэрыя, хораў, сцен лесвіцы, алтароў, амбона, аднаўленне люстраў, спавядальні, лавак і іншыя працы. Адзначаецца, што гэты праект з'яўляецца толькі пачатковым этапам навуковай рэстаўрацыі інтэр'ерa.
Агульная працягласць работ складзе 5,5 года. Работы плануецца пачаць ужо ў красавіку 2025 года, яны працягнуцца да канца 2030 года.
На рэстаўрацыю будзе выдзелена амаль 34 млн рублёў – гэта больш за 10 млн дoлaраў па цяперашнім курсе.
Нягледзячы на маштабныя працы, храм не плануецца цалкам закрываць для парафіі, а толькі для турыстаў.
аз