Сёння адбылася тэлефонная размова Аляксандра Лукашэнкі з прэзідэнтам Украіны Уладзімірам Зяленскім, – паведаміла БЕЛТА.
Уладзімір Зяленскі яшчэ раз пацвердзіў запрашэнне Лукашэнку, наведаць Украіну ў рамках ІІ Форуму рэгіёнаў Беларусі і Украіны, які адбудзецца ў кастрычніку гэтага года ў Жытоміры. Лукашэнка запрашэнне прыняў.
Акрамя таго, Зяленскі падзякаваў за арганізацыю эфектыўнай перамоўнай пляцоўкі і ў цэлым за тую ролю, якую адыгрывае Беларусь у справе ўрэгулявання канфлікту. Лукашэнка запэўніў яго, што Менск працягне і ў далейшым прыкладаць усе намаганні для ўрэгулявання сітуацыі ў рэгіёне і Украіна заўсёды можа разлічваць на Беларусь як краіну – прыхільніцу мірных ініцыятыў і працэсаў.
Лукашэнка і Зяленскі абмеркавалі пытанні эканамічнага ўзаемадзеяння і гандлю, развіццё супрацоўніцтва ў сферы прамысловасці, сельскай гаспадаркі. Асаблівую ўвагу кіраўнікі дзяржаў надалі ходу ўборачнай кампаніі ў абедзвюх краінах.
Напрыканцы размовы Аляксандр Лукашэнка запрасіў прэзідэнта Украіны наведаць Беларусь у любы час і ў любым фармаце. Уладзімір Зяленскі гэта запрашэнне з задавальненнем прыняў.
яс