На пачатку лістапада будзе забаронены продаж мухамораў, якія ўтрымліваюць небяспечныя для жыцця рэчывы, пра гэта паведаміў у эфіры Radio ZET галоўны санітарны інспектар Павал Гжэсёўскі.
Людзі купляюць чырвоныя мухаморы праз інтэрнэт. Аднак спецыялісты папярэджваюць, што рэчывы, якія змяшчаюцца ў гэтых грыбах, выклікаюць моцную залежнасць. З'едзены ў занадта вялікіх колькасцях мухамор можа прывесці нават да смерці.
Цяпер няма нарматыўных актаў, якія б забаранялі продаж мухамораў, але чакаецца, што ў лістападзе такія забароны з'явяцца.
Псіхаактыўныя рэчывы, якія змяшчаюцца ў гэтых грыбах, павінны быць уключаны ў спіс забароненых рэчываў. Як заявіў у інтэрв'ю Павал Гжэсёўскі, цяпер прадаўцы «дзейнічаюць у юрыдычным прабеле, ім не могуць быць прад’яўленыя абвінавачанні».
Спажыванне чырвонага мухамора звязана з рызыкай атручвання. Яго сімптомы ўключаюць, сярод іншага стомленасць, прасторавыя, візуальныя парушэнні, дэзарыентацыю ў часе. Дадаткова з'яўляецца сухасць у роце, пашырэнне зрэнак і патлівасць. Некаторыя людзі таксама могуць адчуваць праблемы з страваваннем.
Прыкладна праз 2 гадзіны чалавек апускаецца ў глыбокі сон, які нагадвае кому. Ёсць падазрэнні, што працяглае ўжыванне гэтых грыбоў можа аказаць негатыўны ўплыў на мозг.
Radio ZET/вх