Віцебскае навукова-вытворчае прадпрыемства ТАА «СІВітал» у сераду 7 красавіка прыступіла да вырабу тэст-сістэм для дыягностыкі каранавіруса, перадае БелТА.
Гэтыя тэст-сістэмы распрацавала група навуковых супрацоўнікаў пад кіраўніцтвам доктара медыцынскіх навук прафесара Віцебскага дзяржаўнага медыцынскага ўніверсітэта Валерыя Сямёнава. Міністэрства аховы здароўя ў паскораным рэжыме правяло сертыфікацыю і выдала допуск на вытворчасць тэст-сістэм.
«У цяперашняй сітуацыі мы перапынілі асноўныя работы і стварылі тэст-сістэму для дыягностыкі каранавіруснай інфекцыі. Вірус досыць складаны», — адзначыў Валер Сямёнаў. Паводле яго слоў, стаіць задача забяспечыць прадукцыяй у першую чаргу Віцебскую вобласць і затым ўсю краіну.
«На выяўленне віруса нашай сістэмай будзе затрачвацца 45 хвілін. Сама ампліфікацыя доўжыцца 1,5 гадзіны, але там можна адразу зрабіць 96 даследаванняў», — дадаў вучоны.
яс/Наша ніва