Аформіць электронную візу можна без наведвання консульстваў і дадатковых дакументаў - паведамляе Мост са спасылкай на МЗС Беларусі.
Для атрымання такой візы замежніку дастаткова стварыць асабісты кабінет на сайце «Е-Паслуга» (у тым ліку праз мабільны дадатак «Е-Паслуга») і падаць візавую заяўку, выбраўшы адпаведную паслугу — «Выдача электронных віз». Візавая заяўка разглядаецца на працягу сямі каляндарных дзён.
Электронныя візы будуць выдавацца на тэрмін да 30 дзён і падзяляцца на некалькі катэгорый: дзелавыя паездкі, удзел у мерапрыемствах, прыватныя візіты і турызм. Консульскі збор для грамадзян Польшчы складзе 35 еўра, а дадатковы сэрвісны збор — 6 еўра. Пры выдачы віз на дзяцей, якія не дасягнулі 12 гадоў, консульскі збор не спаганяецца.
Уезд у Беларусь па электроннай візе будзе магчымы праз усе міжнародныя пункты пропуску, у тым ліку аўтадарожныя, чыгуначныя і аэрапорты.
Адзначаецца, што ўсе раней устаноўленыя бязвізавыя рэжымы застаюцца ў сіле, таму грамадзяне Польшчы могуць карыстацца і альтэрнатыўнымі спосабамі ўезду.
нг