Ад пачатку вайны ў Польшчу прыбылі 156 тысяч уцекачоў з Украіны

На польска-ўкраінскай мяжы дзейнічае дзевяць пунктаў прыёму бежанцаў.

Ад пачатку вайны у Польшчы прыбылі 156 тысяч уцекачоў з Украіны.

PAP/Darek Delmanowicz

Памежная служба паведаміла, што з пачатку вайны ў Польшчу прыбылі больш за 156 тысяч уцекачоў з Украіны. Учора на мяжы з Украінай памежны кантроль прайшла рэкордная колькасць чалавек – больш за 77 тысяч.

Прэс-сакратар Падкарпацкага аддзелу Памежнай службы Пётр Закеляж(Piotr Zakielarz) паведаміў, што на памежных пераходах на Падкарпацці кантроль прайшлі амаль 40 тысяч чалавек:

- Найбольш на памежным пераходзе ў Медыцы – амаль 15 тысяч. Гэта вынікае з характару перахода, які абслугоўвае таксама чыгуначны рух. Учора ў Польшчу на цягніках уехалі 3 700 чалавек, а пешшу мяжу пераселькі больш за 8 тысяч чалавек.

На польска-ўкраінскай мяжы дзейнічае дзевяць прыёмных пунктаў для бежанцаў. Там грамадзяне Украіны могуць атрымаць інфармацыю і неадкладную дапамогу. Падтрымка для бежанцаў арганізавана па ўсёй краіне.

ІАР/аз