У чэрвені інфляцыя ў Польшчы павысілася

Паводле экспертаў, галоўным фактарам росту інфляцыі з’яўляюцца цэны на паліва.

Здымак мае ілюстрацыйны характар.

Photo:Alexas_Fotos/pixabay.com/CC0 Public Domain

Паводле хуткай ацэнкі Галоўнага статыстычнага ўпраўлення, інфляцыя ў Польшчы павысілася з 13,9 працэнта ў траўні да 15,6 працэнта ў чэрвені.

У ацэнцы Польскага эканамічнага інстытута, польская эканоміка набліжаецца да піку росту коштаў. Якуб Рыбацкі(Jakub Rybacki) лічыць, што галоўным фактарам росту інфляцыі з’яўляюцца цэны на паліва:

- Зараз запраўка аўтамабіля на 47 працэнтаў даражэйшая, чым летась. Пастаянна растуць таксама цэны тавараў і паслугаў. Мы спадзяемся, што цягам бліжэйшых месяцаў інфляцыя будзе расці. Пік яна дасягне, хутчэй за ўсё, у жніўні, калі яна складзе каля 16,5 працэнта. Цягам бліжэйшых месяцаў будуць павышацца цэны прадуктаў харчавання і прамысловых тавараў. Гэта вынік рэарганізацыі ланцужкоў паставак для еўрапейскіх кампаніяў і недахопу матэрыялаў.

Поўныя звесткі аб інфляцыі ў чэрвені Галоўнае статыстычнае ўпраўленне апублікуе 15 ліпеня.

IAR /аз