26 гадзін музыкі Шапэна ў жывым эфіры ў выкананні 60 музыкаў – усё гэта чакае слухачоў Шапэнаўскага марафону з нагоды Дня Незалежнасці і 6-годдзя асобнага канала Польскага радыё, які носіць імя вялікага кампазітара – Польскага радыё Шапэна. Творы Фрыдэрыка Шапэна выканаюць як прызнаныя музыкі, так і маладыя перспектыўныя, якія толькі набіраюць папулярнасць.
Леташні Марафон Шапэна сабраў рэкордную колькасць слухачоў Польскае радыё Шапэна. Дырэктар гэтага каналу Марцін Гмыс паведаміў, што насалоджвацца ігрою музыкаў можна будзе онлайн, у эфіры, а таксама ў Канцэртнай студыі Польскага радыё імя Вітольда Лютаслаўскага:
-За марафонам можна сачыць віртуальна, на спецыяльна створанай платформе chopinmaraton.pl, а таксама на YouTube-канале Польскага радыё. І, канечне, марафон заўсёды будзе даступны ў аўдыёверсіі на Польскім радыё Шапэна. Але запрашаем і на марафон Шапэна ў канцэртную студыю імя Вітольда Лютаслаўскага. Сёлета ўваход цалкам вольны, і можна будзе патрапіць не толькі на канкрэтныя канцэрты, але і на асобныя опусы, гэта значыць асобныя творы Фрыдэрыка Шапэна – вядома, у перапынках паміж выступамі.
Марафон Шапэна пачнецца 10 лістапада ў 19.00 і працягнецца прыкладна да 21.00 11 лістапада.
Кожны выступ будзе суправаджацца адпаведным анімацыйным шэрагам Ежы Дуды-Грача з цыкла «Да Шапэна – Ежы Дуда Грач», які з'яўляецца візуалізацыяй усёй творчасці Шапэна.
iar/ez