Толькі траціна жанчын у Польшчы праходзіць прафіляктычную мамаграфію – даследаванне, якое дазваляе выявіць рак грудзей на ранняй стадыі, калі магчыма поўнае лячэнне.
Нягледзячы на шматлікія інфармацыйныя кампаніі, занадта мала польскіх жанчын карыстаецца бясплатнымі аналізамі, якія могуць выратаваць ім жыцьцё, – кажа ваяводзкі кансультант у галіне клінічнай анкалёгіі ў Малапольшчы доктар Яанна Стрэб:
-Сумна, што ёсць пацыенты, якія паступаюць на чацвёртай стадыі, калі рак ужо распаўсюдзіўся або пухліна бачная няўзброеным вокам, а на развіццё хваробы патрэбны час. Рэгулярныя абследаванні дазваляюць своечасова выявіць змены, што дае магчымасць поўнага выздараўлення.
Летась Міністэрства аховы здароўя Польшчы пашырыла Праграму прафіляктыкі раку грудзей. Жанчыны ва ўзросце 45-74 гадоў могуць бясплатна прайсці мамаграфію.
Рак малочнай залозы з'яўляецца найбольш распаўсюджаным анкалагічным захворваннем у жанчын. Штогод прыкладна 20 тысяч польскіх жанчын даведваюцца, што хварэюць на гэты від рака. Штогод у Польшчы ад раку грудзей памірае сем тысяч жанчын.
IAR/эж