Шэсць шведскіх шматмэтавых баявых самалётаў Gripen прыбылі ў Польшчу. Аб гэтым гаворыцца на сайце шведскай арміі.
Машыны Jas 39 Gripen прызямліліся ўчора на авіябазе ў Мальбарку. На працягу двух месяцаў яны будуць удзельнічаць у місіі NATO «Enhanced Air Policing».
У Польшчу таксама прыбыў шведскі наземны персанал. «Пакуль што ў плане падрыхтоўкі і транспарту ўсё ішло па плане», — сказаў камандуючы шведскім кантынгентам падпалкоўнік Андэрс Густафсан.
«Цяпер, калі прызямліліся самалёты, прыбылі ўсе патрэбныя адзінкі, адчуваю сябе вельмі добра. Хутка прыступім да выканання сваёй задачы», - дадаў падпалкоўнік.
Афіцыйная цырымонія сустрэчы шведскіх самалётаў з удзелам міністра абароны Швецыі Пала Ёнсана адбудзецца 1 красавіка ў Мальбарку.
ПР/юл