Нам трэба ствараць еўрапейскую абараназдольнасць, — заявіў міністр замежных спраў Польшчы Радаслаў Сікорскі ў Мадрыдзе перад пачаткам сустрэчы міністраў замежных спраў т. зв. Вялікая пяцёрка. Польскі дыпламат падкрэсліў важнасць адбудовы еўрапейскай абароннай прамысловасці:
— У Польшчы ў нас былі падпалы, шпіянаж, дыверсіі на энергетычных і камунікацыйных кабелях на дне мора. У Германіі — агрэсіўная прапаганда. Усё гэта патрабуе павышэння ўстойлівасці Еўропы, і мы павінны сур'ёзна паставіцца да аднаўлення нашай абароннай прамысловасці.
Галоўная мэта сустрэчы ў Мадрыдзе — распрацаваць механізмы супрацоўніцтва ў сферы бяспекі і ўзгадніць ініцыятывы па падтрымцы Украіны.
У фармаце «Вялікай пяцёркі» бяруць удзел кіраўнікі знешнепалітычных ведамстваў Польшчы, Іспаніі, Францыі, Германіі і Італіі. Да ўдзелу таксама былі запрошаныя прадстаўнікі Вялікабрытаніі і Украіны, а таксама вярхоўная прадстаўніца ЕС па замежных справах і палітыцы бяспекі Кая Калас.
IAR/эж