У жніўні Польшча пяройме старшынства ў Радзе бясьпекі ААН. Міністар замежных спраў Польшчы Яцэк Чапутовіч называе тры прыярытэты Варшавы: міжнароднае права, гуманітарнае права і бясьпека ў нашым рэгіёне.
Падчас польскай прэзідэнтуры запланаваныя некалькі сустрэч высокага ўзроўню, прысвечаных, між іншым, гуманітарнаму праву, сітуацыі дзяцей у збройных канфліктах і бяспецы на Блізкім Усходзе.
У гэтым кантэксце міністр Чапутовіч нагадаў, што Польшча ўдзельнічае ў мірнай аперацыі ААН у Ліване:
- Пасля некалькіх гадоў перапынку мы вяртаемся да мірных аперацый ААН. Восенню гэтага году мы далучаемся да аперацыі ў Ліване ў рамках шырэйшага кантынгенту Ірландыі. У місіі ўдзел будуць прымаць 230 польскіх жаўнераў.
Польшча з'яўляецца часовым чальцом Рады бяспекі ААН да канца гэтага году.
Краіна прадпрымае крокі, каб стаць чальцом Рады правоў чалавека ААН у 2020-2022 гадах. Міністр замежных спраў Яцэк Чапутовіч сказаў, што Польшча ў Радзе правоў чалавека хацела бы, між іншым, закрануць пытанне дэмакратыі ў Беларусі.
ав