Пра гэта заявіла амбасадар Злучаных Штатаў у Польшчы Джорджэт Масбахер. Яшчэ ў пятніцу, 4 кастрычніка прэзідэнт ЗША Дональд Трамп паведаміў, што Польшча далучана да амерыканскай праграмы бязвізавага руху. Амбасадар Джорджэт Масбахер паведаміла, што ўсе фармальнасці будуць завершаныя да канца бягучага года.
-Я пераканана, што мы зробім гэта да канца гэта года. Магчыма нават раней, але я не люблю абяцаць рэчы, у якіх я не пераканана цалкам, адпаведна зробім гэта да Новага года. 2020 год стане годам, калі палякі змогуць падарожніца ў ЗША без аніякіх візаў.
Джорджэт Масбахер удакладніла, што праграма бязвізавага руху ЗША закранае толькі турыстычныя або працоўныя побыты карацейшыя за 3 месяцы. Іншае знаходжанне палякаў на тэрыторыі Злучаных Штатаў будзе вымагаць адпаведнай візы.
IAR/эж