Прэзідэнт паўторна памілуе асуджаных палітыкаў ПіС

Анджэй Дуда выказаў надзею, што Генпракурор задаволіць яго просьбу аб неадкладным вызваленні з-пад варты абодвух палітыкаў.

Прэзідэнт Анджэй Дуда i жонкі арыштаваных палітыкаў ПіС

PAP/Radek Pietruszka

Прэзідэнт Анджэй Дуда заявіў, што распачынае працэдуру памілавання Марыюша Каміньскага і Мацея Вонсіка. Такое рашэнне ён прыняў пасля сустрэчы з жонкамі палітыкаў, якія заклікалі неадкладна вызваліць зняволеных былых кіраўнікоў Міністэрства ўнутраных спраў і адміністрацыі. Анджэй Дуда паведаміў, што адпаведная заява будзе неадкладна накіравана ў Генпракуратуры Польшчы:

- Адпаведная заява аб памілаванні будзе неадкладна перададзеная Генпракурору. У яго ёсць магчымасць прыпыніць выконванне пакарання неадкладна пасля распачацця працэдуры памілавання, то бок ён можа вызваліць арыштаваных з-пад варты.

Анджэй Дуда выказаў надзею, што Генпракурор задаволіць просьбу аб неадкладным вызваленні абодвух палітыкаў «Права і справядлівасці», што спыніць іх галадоўку.

Былы кіраўнік МУС Марыюш Каміньскі і яго намеснік Мацей Вонсік былі асуджаныя ў снежні на два гады пазбаўлення волі за перавышэнне паўнамоцтваў.

Абодва палітыкі «Права і справядлівасці» паставілі прысуд пад сумнеў, спасылаючыся на памілаванне прэзідэнта з 2015 года. Іх затрымалі ўвечары ў аўторак у Прэзідэнцкім палацы, а сёння раніцай адправілі ў дзве розныя турмы.

IAR/аз