яцёра польскіх артыстаў пакінулі адбіткі рук на Алеі Славы ў Мендзыздроях (Międzyzdroje) на узбярэжжы Балтыйскага мора. Гэта традыцыя Фестывалю зорак, які сёлета прайшоў у 27-ы раз.
Вальдэмар Дамброўскі (Waldemar Dąbrowski), дырэктар Вялікага тэатра ў Варшаве і сузаснавальнік Фестывалю зорак, пакінуў свой адбітак рукі.
Вальдэмар Дамброўскі
- Сімвалічным чынам я адзначыў сваю прысутнасць на гэтым вельмі прэстыжным праспекце, які выпадкова называюць Алеяй зорак. Адразу скажу, што я сам сябе не адчуваю зоркай, але адчуваю сябе чалавекам, які ўплываў на рэчаіснасць, у якой рэалізаваліся выбітныя мастацкія таленты.
На Алеі Славы можна ўбачыць таксама адбітак далоні актрысы Малгажаты Печыньскай (Małgorzata Pieczyńska).
Малгажата Печыньска
– Гэта выраз глядацкай сімпатыі да мяне, таму мне яшчэ больш прыемна пакінуць гэты адбітак, пакінуць след у Мендзыздроях, і я спадзяюся, што калі нехта з гледачоў пройдзе міма і ўбачыць маё імя і гэтую руку і дакранецца тады ён адчуе цеплыню маёй добрай, спагадлівай, шчырай і сардэчнай рукі.
Свае адбіткі рук на Алеі Славы пакінулі таксама акцёр і спявак Павел Дамагала (Paweł Domagała), акцёр Давід Агроднік (Dawiod Ogrodnik) і пісьменніца Катажына Бонда (Katarzyna Bonda).
яс/IAR
Павел Дамагала
Катажына Бонда
Давід Агроднік