«Я папрасіў Еўрапейскую раду правесці першую сустрэчу, нефармальны саміт з вашым удзелам (прэм'ер-міністра Вялікабрытаніі, — заўв. рэд.). Спадзяюся, што гэта будзе не толькі сімвалічнае адкрыццё, але і вельмі канкрэтная сустрэча.
«Мы хочам дасягнуць максімальна цеснага супрацоўніцтва паміж Вялікабрытаніяй і Еўрапейскім саюзам», — заявіў прэм'ер-міністр Дональд Туск на сумеснай прэс-канферэнцыі з прэм'ер-міністрам Вялікабрытаніі Кейрам Стармерам.
Мы падзяляем аднолькавыя погляды з Вялікабрытаніяй на сітуацыю ва Украіне і на тое, як дзейнічаць, калі справа даходзіць да падтрымкі гэтай краіны, падкрэсліў прэм'ер-міністр Дональд Туск пасля сустрэчы з кіраўніком брытанскага ўрада.
Кіраўнік польскага ўраду дадаў, што Стармер таксама сустрэнецца з польскімі інвестарамі, прадпрымальнікамі і польскімі міністрамі, «адказнымі за эканоміку і інвестыцыі».
«Я разумею, што мая мара аб тым, што Brexit зменіцца "вяртаннем", можа быць ілюзіяй. Я стараюся быць рэалістам, але аддаю перавагу трымаць такія мары ў сваім сэрцы, таму што ў палітыцы мары часам спраўджваюцца», — сказаў польскі прэм'ер.
Туск таксама падкрэсліў, што важна, што ён і прэм'ер-міністр Стармер з'яўляюцца «вельмі рашучымі прыхільнікамі максімальна цесных трансатлантычных сувязяў». «Вялікабрытанія і Польшча, і мы асабіста, будзем працаваць па абодва бакі Атлантыкі, каб забяспечыць гэтыя трансатлантычныя сувязі, гэта самае цеснае супрацоўніцтва са Злучанымі Штатамі, з Канадай, як у кантэксце вайны ва Украіне, (.. .) каб гэтае супрацоўніцтва было на самым высокім магчымым узроўні, нягледзячы на цяжкасці ці нявызначанасць часу», — падкрэсліў прэм'ер-міністр Туск.
У пятніцу брытанскі прэм'ер Кейр Стармер наведаў Варшаву.
PAP/вх