Беларуская Служба

Украінцы здзейснілі паспяховы напад на расійскі выбарчы ўчастак у акупаваным Бярдзянску

08.09.2023 16:02
Верагодна, акупанты прымушаюць мірных жыхароў удзельнічаць у датэрміновых незаконных выбарах, пагражаючы ім зброяй.
Падрыхтоўка да рэгіянальных выбараў у РасііPAP/EPA/YURI KOCHETKOV

У ноч з чацвярга на пятніцу ў акупаваным Бярдзянску на поўдні Украіны быў знішчаны выбарчы ўчастак, дзе расійскія акупанты збіраліся правесці незаконныя мясцовыя выбары. Гэта трэцяя паспяховая атака на аб'ект такога тыпу пасля ранейшых, праведзеных у Новай Кахоўцы і горадзе Каменка-Дняпроўская, паведаміў мер Мелітопаля Іван Фёдараў.

Нагадваем, на 10 верасня ў Расіі і на акупаваных тэрыторыях Украіны прызначаныя мясцовыя i рэгіянальныя выбары. Аднак, як паведаміла агенцтва «Укрінформ», напрыклад, на заваяваных Крамлём землях Херсоншчыны галасаванне пачалося некалькі дзён раней. Верагодна, акупанты прымушалі мірных жыхароў удзельнічаць у незаконных выбарах, пагражаючы зброяй.

Паводле незалежных расійскіх назіральнікаў, адразу пасля гэтых выбараў у Расіі можа пачацца чарговы этап мабілізацыі на вайну з Украінай.

PAP/аз