На сённяшні дзень у Еўрапейскім Саюзе ёсць стандартызаваныя парты USB-C для зарадкі партатыўных электрычных прылад. Гэта азначае, што мабільныя тэлефоны, планшэты, лічбавыя камеры, электронныя прылады для чытання, кансолі, кампутарныя клавіятуры і партатыўныя сістэмы GPS, якія прадаюцца ў ЕС, павінны быць абсталяваны адным і тым жа портам для зарадкі.
Гэта дазволіць зараджаць усе гэтыя прылады адной зарадкай з уваходам USB-C.
З 28 красавіка 2026 г. такія ж правілы будуць дзейнічаць і для ноўтбукаў.
Як гаворыцца ў заяве Еўрапейскай камісіі, «агульная зарадная прылада павысіць зручнасць для спажыўцоў, паменшыць экалагічны след, звязаны з вытворчасцю і ўтылізацыяй зарадных прылад, пры захаванні інавацый».
Гарманізаваная тэхналогія таксама забяспечыць хуткую зарадку прылад і дапаможа пазбегнуць сітуацый, калі вытворцы абмяжоўваюць хуткасць зарадкі. Спажыўцы змогуць купляць прылады без зараднай прылады ў камплекце, памяншаючы колькасць даступных на рынку зарадных прылад.
Вытворцы павінны будуць прадастаўляць спажыўцам ясную і разборлівую інфармацыю аб характарыстыках зарадкі, уключаючы магутнасць, якую патрабуе прылада, і тое, ці падыходзіць яна для хуткай зарадкі. Гэтая інфармацыя павінна быць прадстаўлена на ўпакоўцы прылады і дададзеная ў пісьмовым выглядзе.
IAR/вх